“Ammofos-Maxam” AJning vakolatli omborlari monitoring qilinmoqda
Jamiyatning Komplayens xizmati tomonidan xududlarda tashkil etilgan vakolatli omborlarda jamiyatga tegishli bo‘lgan maxsulotlarini saqlash tartibi, xaridorlarga qulay sharoit va shartlarda sifatli mineral o‘g‘itlarni etkazib berilishini tayminlash yuzasidan amalga oshirilayotgan ishlar doimiy monitoring qilib borilmoqda.
Xususan, Farg‘ona viloyati, Beshariq tumanida joylashgan “Yakkatut universal fayz-servis” MChJ hamda Farg‘ona shahridagi “Swissagro” QKga qarashli vakolatli omborlarga jamiyatning mahsulotlarini joylashtirilishi, qabul qilinishi,, saqlanishi va xaridorlarga etkazib berish holatlari organildi. Organish jarayonida vakolatli ombor xodimlari bilan profilaktik suxbatlar o‘tkazilib, ularga O‘zbekiston Respublikasining qonunlari, qonun osti hujjatlari va Jamiyatda qabul qilingan Korruptsiyaga qarshi kurashish Siyosati, Manfaatlar to‘qnashuvini boshqarish Siyosati va boshqa tartib yo‘riqnomalarning mazmun mohiyati tushuntirildi.
Shuningdek, vakolatli ombor xodimlariga noqonuniy daromadga ega bo‘lish maqsadida o‘z xizmat vazifasini suiste’mol qilish, ularga ishonib topshirilgan va ixtiyorida bo‘lgan o‘zganing mulkini o‘zlashtirish yoki rastrata qilish yo‘li bilan talon-toroj qilish korrupsion holatga sabab bolishi, bunday xatti-xarakatlar uchun javobgarlik mavjudligi va jazoning muqarrarligi prinsiplari, hamda korruptsiyaga oid xuquqbuzarliklardan xabar topganda yoki duch kelganda bu xaqda Jamiyatning komplayens xizmatiga xabar berishi va buning uchun ularga har xil ko‘rinishdagi taziyiqqa uchramasligi, himoya ostida bo‘lishi tushuntirildi.
Suhbat jarayonida tadbir ishtirokchilarini qiziqtirgan savollariga keng, atroflicha tushuntirishlar va izohlar berildi.