“Eng yaxshi yosh payvandchi” tanlovi o‘tkazildi
“Ammofos-Maxam” AJda “Yoshlar va biznesni qo‘llab-quvvatlash yili” davlat dasturi doirasida yosh mutaxassislarning kasbiga bo‘lgan qiziqishini oshirish va ularni qo‘llab-quvvatlash maqsadida “Eng yaxshi yosh payvandchi” tanlovi o‘tkazildi.
Mazkur tanlovda korxonaning turli bo‘lim va sexlarida mehnat qilayotgan iste’dodli yosh payvandchilar va tajribali mutaxassislar ishtirok etishdi. Ular nazariy va amaliy bilimlarini namoyish etib, o‘z tajribalarini yuzaga chiqarishdi.
Tanlov yakuniga ko‘ra, quyidagi natijalar qayd etildi:
1-o‘rin — Ta’mirlash qurilish montaj sexining 3-toifali elektrgaz payvandchisi Saidmuhammadxon Qudratxo‘jayevga;
2-o‘rin — Ta’mirlash qurilish montaj sexining elektrgaz payvandchisi Bahodir Abubakirovga;
3-o‘rin — Ta’mirlash qurilish montaj sexining elektrgaz payvandchisi Shaxzod Nazirovga nasib etdi.
“Ammofos-Maxam” AJ Matbuot xizmati