Mangu hilpiragin yurtim bayrog‘i!
Bugun, 18-noyabr – O‘zbekiston Respublikasi Davlat bayrog‘i qabul qilingan kun munosabati bilan, “O‘zkimyosanoat” AJ tarmoq korxonalari ishtirokida Zoom platformasi orqali ma’naviy-ma’rifiy bayram tadbiri tashkil etildi.
Mazkur tadbirda “Ammofos-Maxam” AJ xodimlari o‘zlarining badiiy sahna chiqishlari va videoroliklari orqali faol ishtirok etib, milliy ramzimizga bo‘lgan hurmat va iftixorni yana bir bor namoyon etishdi.
Bayrog‘imiz – xalqimizning g‘ururi, ozodlik va mustaqillik timsoli. Uning hilpirashi doimo yurtimiz tinchligi va ravnaqi uchun xizmat qilsin!
“Ammofos-Maxam” AJ Matbuot markazi