“NAVOIYAZOT” AJ JAMOASIGA!
Bugun mamlakatimiz kimyo sanoatining eng yirik va nufuzli korxonalaridan biri boʻlgan “Navoiyazot” Aksiyadorlik jamiyati o‘zining 60 yillik shonli yubileyini keng nishonlamoqda.
Yarim asrdan oshiq vaqt davomida “Navoiyazot” AJ kimyo sanoati rivojida o‘zining munosib o‘rnini topib, ishlab chiqarish ko‘lamini kengaytirish, zamonaviy texnologiyalarni joriy etish va xalqaro miqyosdagi investitsion loyihalarni amalga oshirishda ulkan yutuqlarga erishib kelmoqda.
“Ammofos-Maxam” AJ jamoasi nomidan sizlarni ushbu tarixiy sana — “Navoiyazot” AJning 60 yilligi munosabati bilan chin yurakdan tabriklaymiz!
Sizning jamoangizning mehnatsevarligi va fidoyiligi, o‘z sohasiga bo‘lgan sadoqati va professional yondashuvi butun tarmoq uchun o‘rnak bo‘lib kelmoqda. Biz “Navoiyazot” AJning yuksak yutuqlari va kelgusidagi muvaffaqiyatlari bilan faxrlanamiz va sizlarning har bir boshlagan ishlaringizda doimo muvaffaqiyat yor bo‘lishini tilaymiz!
Hurmat bilan,
“Ammofos-Maxam” AJ jamoasi