Sayyor qabul davom etmoqda
“O‘zkimyosanoat” AJ boshqaruvi raisi maslahatchisi Sanobar Abduraxmonova rahbarligida navbatdagi sayyor qabul “Ammofos-Maxam” AJning asosiy sex va bo‘linmalarida tashkil etildi.
Qabul doirasida “Mas’uliyatli ota-onalik” loyihasi asosida farzand tarbiyasida ota-onalarning o‘rni, oilaviy munosabatlarni mustahkamlash, sog‘lom turmush tarzini targ‘ib qilish va bolalar uchun qulay muhit yaratish masalalari muhokama qilindi.
Muloqot davomida ishchi-xodimlarning mehnat sharoitlarini yaxshilash, ular uchun qulayliklar yaratish, bolalar ishtirokida turli tadbirlar tashkil etish, uy-joy masalalari bo‘yicha murojaatlar va takliflar tinglandi. Xodimlarni qiziqtirgan savollarga batafsil javoblar berildi.
Sayyor qabul yakunida bildirilgan murojaatlarni belgilangan tartibda hal etish yuzasidan mas’ullarga tegishli topshiriqlar berildi.