Sertifikatlar topshirildi.
ISO 9001, ISO 50001, ISO 14001 va ISO 45001 xalqaro standartlari talablariga muvofiqlik bo‘yicha sertifikatlashtirish auditi jarayoni yakunlanganligi munosabati bilan, sertifikatlashtirish organi – “MANAGEMENT CERTIFICATION” rahbari va “QMSCERT” xalqaro sertifikatlashtirish organining rasmiy hamkori - R.R. Xakimov tomonidan integratsiyalashgan menejment tizimining xalqaro va milliy sertifikatlari topshirildi.
Tantanali ravishda sertifikatlar ishlab chiqarish direktori B.B. Sodikovga topshirildi. U qayta sertifikatlashtirish auditlarining muvaffaqiyatli yakunlangani - 2004-yilda ISO standartlarini joriy etish bo‘yicha tanlangan yo‘nalishning to‘g‘riligi va 2007-yilda korxonaning dastlabki sertifikatlashtirilishi muvaffaqiyatli o‘tkazilganligining munosib dalili ekanligini ta’kidladi.
Taqdimot marosimida IMT rahbariyati vakili, bosh texnolog Volinskova N.V., bosh auditor Mamatov M.T., Energiya menejmenti bo‘yicha SBV Jumaniyozov A.A., Mehnat xavfsizligi va atrof-muhit menejmenti bo‘yicha SBV - Saydullayev S.S., jarayonlar rahbarlari va IMT menejerlari ishtirok etishdi.
R.R. Xakimov xodimlarning yuqori darajadagi tayyorgarligi, malakasi va kasbiy mahorati, barcha ish jarayonlarining aniqligi va uyg‘unligini ta’kidladi, shuningdek, “Ammofos-Maxam” AJ bilan hamkorlik qilish imkoniyati uchun minnatdorchilik bildirdi.
Shunday qilib, sertifikatlashtirish auditining muvaffaqiyatli yakunlanishi tanlangan kursning to‘g‘riligini tasdiqlaydi, bu bizga oldinga siljish, qo‘yilgan maqsadlarga ishonch bilan erishish va o‘z sohasida yetakchi bo‘lish imkonini beradi.