Xodimlarimiz muvaffaqiyati – jamoamiz faxri!
“Yil ayoli - 2024” hamda “Gender tenglik faoli” milliy tanlovlarining Toshkent viloyati bosqichi g‘oliblarini taqdirlash marosimi bo‘lib o‘tdi.
Tanlovda korxonamiz vakillari — Boshqaruv raisining oila va xotin-qizlar masalasi bo‘yicha maslahatchisi Abdukadirova Roxila Mamayusupovna “Gender tenglik faoli” milliy tanlovining “Gender tenglikni ta’minlashda eng faol hududiy davlat organi (tashkiloti)” nominatsiyasi bo‘yicha hamda Bosh texnolog Valinskova Nadejda Vladimirovna “Yil ayoli” milliy tanlovining “O‘z kasbining ustasi bulgan yil ayoli” nominatsiyasi bo‘yicha muvaffaqiyatli ishtirok etib, respublika bosqichiga yo‘llanma qo‘lga kiritdilar.
Ularning muvaffaqiyati “Ammofos-Maxam” AJ jamoasining xotin-qizlarni qo‘llab-quvvatlash va ularga yanada keng imkoniyatlar yaratish borasidagi izchil sa’y-harakatlarining samarasi bo‘ldi.
“Ammofos-Maxam” AJ Matbuot xizmati