"Ammofos-Maxam" AJ muzeyi "Yangi O'zbekiston strategiyasi" smartbook maxsus targ'ibot va plakatlar to'plami bilan jihozlandi
Yaqinda Prezident Shavkat Mirziyoyevning "Yangi O'zbekiston strategiyasi" nomli kitobi chop etildi. Mazkur kitobni samarali tarzda targ'ib qilish maqsadida "Ammofos-Maxam" AJ muzeyi katta o'lchamdagi audiolashtirilgan "Yangi O'zbekiston strategiyasi" smartbook maxsus targ'ibot va plakatlar to'plami bilan jihozlandi. Ushbu loyihada CR kod texnologiyasi asosida kitobning to'liq audio varianti ham joy olgan bo'lib, u korxonamiz ishchi-xodimlariga Yangi O'zbekistonning zamonaviy demokratik qiyofasi qanday yaratilayotgani, mamlakatimizni yangi rivojlanish bosqichiga ko'tarish uchun belgilab olingan strategik yo'l to'g'risida yaxlit tasavvur hosil qilish imkonini beradi.