"Energetika xavfsizligi oyligi" doirasida korxonada seminar o'tkazildi
Ammofos-Maxam AJda bugun "Energetika xavfsizligi oyligi" doirasida korxonada energetik qurilmalarni texnik ekspluatatsiya qilishda xavfsizlik choralarini kuchaytirish, kuz-qish mavsumida ishlab chiqarish barqarorligini ta’minlashga qaratilgan seminar tashkil etildi.
Seminarda korxona sex va bo‘lim boshliqlari, shuningdek, soha mutaxassislari ishtirok etdi. Tadbirda yoqilg‘i-energiya resurslaridan noqonuniy foydalnish holatlarini oldini olish, noqonuniy foydalangan iste’molchilarga nisbatan jazoni muqarrarligi va ulardan samarali va oqilona foydalanishni ta'minlash masalalari muhokama qilindi. Shuningdek, iste’molchilar tomonidan elektr energiyasi va tabiiy gazdan foydalanish qoidalariga rioya etilishi, ularga kundalik nazoratni joriy etish zarurligi haqida so‘z yuritildi.
Seminarda, shuningdek, sex va bo‘limlarda "Energetika xavfsizligi oyligi" doirasida oʻquv-amaliy mashg‘ulotlar ham tashkil etildi.
“Ammofos-Maxam” AJ Matbuot xizmati