Hurmatli Olmaliq kon-metallurgiya kombinati jamoasi!
"Ammofos-Maxam" AJ jamoasi OKMKning 75 yillik yubileyi bilan chin dildan muborakbod etadi! Bu ulug‘ sana, asriy an’analar, yuksak tajriba va fidoyilikning ramzi sifatida butun mamlakatimiz tarixida muhim o‘rin tutadi.
OKMK yarim asrdan oshiq davr mobaynida o‘zining mustahkam poydevori, professional va fidoyi xodimlari bilan nafaqat Olmaliq, balki yurtimizning iqtisodiy va sanoat salohiyatini oshirishda katta yutuqlarga erishib kelmoqda. Korxona faoliyati hamisha mamlakat iqtisodiy qudratini mustahkamlash, aholi farovonligini ta’minlash va yangi texnologiyalarni joriy etishga yo‘naltirilgan.
Sizning fidokorona mehnatingiz va yutuqlaringiz yurtimiz uchun iftixor manbaidir. OKMK jamoasining har bir a’zosiga kelgusi ishlaringizda omad, baxt va sihat-salomatlik tilaymiz. Yangi marralar, ulkan zafarlar sizni kutib tursin!
75 yillik muborak bo‘lsin, aziz kombinat jamoasi!