"Kimyogar" sport va madaniyat majmuasida ma'naviy-ma'rifiy tadbir o'tkazildi
Joriy yilning 3-4-mart kunlari "Kimyogar" sport va madaniyat majmuasida "Nafosat va vafo ramzisan ayol" mavzusida ma'naviy-ma'rifiy tadbir o'tkazildi.
Ushbu tadbir sex xodimlarining o'zaro bellashuvi ishtirokida o'tkazilib,ular 3 ta shart bo'yicha bellashdilar.1-shartda buyuk allomalarimiz,shoirlarimiz,taniqli xonandalar ijodidan namunalar bo'lsa, 2-shartda "Yangi O'zbekiston mening tasavvurimda" mavzusida videolavha, sahna ko'rinishi va she'riy chiqishlar hamda 3-shartda "Ayollarimizning jamiyatdagi o'rni" mavzusidagi chiqishlar hakamlar tomonidan baholab borildi. Tadbir yakunida g'oliblar aniqlanib, korxona kasaba uyushmasining diplom va esdalik sovg'alari bilan rag'batlantirildi.